Türkiyə-Ermənistan sərhədi bu il açılacaq – Politoloq

Ermənistan Baş naziri Zəngəzur dəhlizini açacağını Türkiyəyə söz verib.

Bunu Sosdem.az-a Milli Cəbhə Partiyasının başqan müavini, siyasi şərhçi Məhəmməd Əsədullazadə deyib.

Politoloq bildirib ki, Türkiyə və Ermənistan arasında sıx diplomatik danışıqlar gedir.

“Ankara Ermənistana Azərbaycanla müqavilənin şərtlərinə əməl edilməsini tələb edib. N. Paşinyan ölkəsinin müstəqilliyini və inkişafini Türkiyə ilə yaxınlaşmaqda görür. Bununla da Rusiyanın təsirindən tam çıxmağı hədəfləyir.

Ərdoğan Türkiyəni regional gücə çevirdi. Hazırda isə, Türkiyəni beynəlxalq güc edir. Ərdoğan Cənubi Qafqazda Rusiya və İranı neytrallaşdırdı, Azərbaycana ərazilərinin işğaldan azad olunmasına dəstək verdi. Ermənistan elə bir vəziyyətə gəlib ki, Türkiyənin dəstəyinə ehtiyacı yaranıb. Təkcə Ermənistan deyil, Avropa ölkələri də Türkiyənin qapısını döyür.

Türkiyə prezidenti 40 illik PKK terrorunu bitirir, Suriyada 60 illik Əsəd rejiminə son qoydu”, – ekspert deyib.