Azərbaycanda da niqab QADAĞAN EDİLİR?

Qazaxıstanda niqab qadağan edilib. Bəs görəsən Azərbaycanda da belə bir qadağa edilə bilərmi və hansı əsasla?

Sosdem.az xəbər verir ki, Milli Cəbhə Partiyasının başqan müavini, dinşünas Tural İrfan Hafta.Az-a açıqlamasında bildirib ki, ümumiyyətlə, İslamda niqab göstərişi yoxdur, sadəcə qadınların müəyyən qədər örtülü geyinmələri əmr olunur.

Ekspert vurğulayıb ki, üzü, gözü bağlamaq, tamamilə bürünmək İslama yaddır:

“İsti olduğu üçün Ərəbistan yarımadasının milli geyim formasında niqab olub ki, qadınların üzünü gün yandırmasın. Hazırda isə niqab geyinmək gülüncdür. Heç Peyğəmbərin arvadları niqab taxmayıb. Din adı ilə bəzi cahil mollalar cəmiyyəti geri aparır. Niqaba heç bir ehtiyac yoxdur. Kimdən gizlənir insanlar? Müasir zamandır”.

İlahiyyatçş hesab edir ki, Azərbaycanda niqabdan istifadə edənlər o qədər də çox deyil.

“Bu əsasən bir şüar və başqalarından seçilmək üçündür. Həmçinin bığsız uzun saqqal da müəyyən bir qrupun seçilmək üçün, bir-birini tanımaları üçün şüarları, parolları, əlamətləridir. Amma bunun dinə heç bir dəxli yoxdur”.

Dinişünas bildirib ki, lazım gələrsə Azərbaycanda da niqab qadağan oluna bilər.

“Hərə özündən bir geyim forması qondarıb dinin adına yaza biməz. Hicab geyinən geyinir, bu, İslamın qaydalarındandır. Baxmayaraq ki, onu da təhrif ediblər. Lakin dinin qaydaları arasında niqab yoxdur. Qadını çox da belə gizli qalmağa, hətta üzünü də örtməyə məcbur edən adamlar özləri mənfi düşüncədə olanlardır. Özləri başqaları üçün pis düşünürlər, elə güman edirlər ki, başqaları da onlar haqda pis düşünür və qadınları niqaba məcbur edirlər. Zərurət yaranarsa ölkəmizdə də niqab qadağan edilə bilər”.