Türkiyə Ermənistanla sərhədi niyə açdı? – ŞƏRH

Türkiyə Ermənistan sərhəddinin müvəqqəti açılması Suriyaya göndərilən humanitar yardımlarla bağlıdır. Qardaş Türkiyə ikinci Qarabağ müharibəsi və anti-terror əməliyyatında Azərbaycanın yanında olub. Türkiyənin F16 qırıcıları məhz Azərbaycana qarşı təzyiqləri neytrallaşdırmaq üçün burada idi.

Bunu Milli Cəbhə Partiyasının başqan müavini, siyasi şərhçi Məhəmməd Əsədullazadə deyib.

Politoloq bildirib ki, Türkiyə prezidenti Rəcəb Tayyib Ərdoğan Azərbaycanın əleyhinə heç bir addım atmayıb.

“Prezident İlham Əliyevlə kordinasiyalı siyasət aparır. Türkiyə Ermənistanı Zəngəzur dəhlizini açmasına və sülh müqaviləsinə də imza atdiracaq. Ermənistan Baş naziri ölkəsinin müstəqilliyini qorumaq və Rusiyanın təsir dairəsinə düşməmək üçün Ankaraya sığınmağa çalışır.

Bu gün Türkiyə prezidenti Türk dövlətlərinin inkişafını və yeni dünya siyasi nizamında mərkəz olacağını elan etdi. Bunun üçün Zəngəzur dəhlizinin açılması labüddür.

İkinci Qarabağ müharibəsindən sonra, cənab prezident İlham Əliyev Türkiyə Ermənistan sərhədlərinin açılmasında heç bir problem olmadığını açıqlamışdı”, – ekspert deyib.