Azərbaycanla Ermənistan arasında sülh müqaviləsi imzalana bilər
Ermənistan hakimiyyəti Azərbaycanla sülh müqaviləsini bağladıqdan sonra Kollektiv Təhlükəsizlik Müqaviləsi Təşkilatından dərhal çıxmasi gözlənilir. Həmçinin Rusiyanın 102 hərbi bazasını, və sərhəd xidmətini ölkədən çıxaracaq.
Bunu Milli Cəbhə Partiyasının başqan müavini Məhəmməd Əsədullazadə deyib.
Onun sözlərinə görə Ermənistan rəsmiləri Rusiyanın orbitindən çıxmaq üçün hüquqi və siyasi ortam formalaşmasını gözləyir:
“Türkiyə ilə ilkin şərt olmadan danışıqlar gedir, Azərbaycanla da müəyyən irəliləyişlər əldə edilib. Ona görə də erməni spiker Rusiya ilə müəyyən razılaşmalara baxacaqlarini vurğulayır.
Azərbaycanla Ermənistan arasında sülh müqaviləsinin bağlanması üçün Ermənistan hakimiyyəti gələn il Konustitusiyada dəyişikliyə getməsi mümkündür.
Konustitusiya dəyişikliyini referendumla deyil, konustitusiya komissiyası bu işi həyata keçirəcək. Əgər, Ermənistan 2027 -ci ilə kimi prosesə uzadarsa, bu Yerevanın əleyhinə işləyə bilər. Xüsusilə, Baş nazir N. Paşinyan seçkilərə kimi Azərbaycanla sülh müqaviləsi bağlayıb, getməyi planlaşdırır.
Qərb Ermənistana Azərbaycan və Türkiyə ilə normallaşma prosesi olmadan Rusiya və İranın təsirindən çıxa bilməyəcəyini onların diqqətinə çatdırıb. Azərbaycan və Ermənistan tərəfindən siyasi iradə ortaya qoyulub və müsbət mesajlar verilir. Ermənistan növbəti dəfə sülh təkliflərini Azərbaycana göndərib. Məhz qarşılıqlı sülh təklifləri əsasında müqavilə hazırlanır. 17 bənddən ibarət olan sülh müqaviləsinin 13 bəndi razılaşdırılıb”.
Zəngəzur dəhlizinin açılmasına gəlincə isə politoloq bildirib ki, bu məsələ Ermənistanla Rusiya-arasında ciddi problemə çevrilib:
“Zəngəzur dəhlizinin açılması hazırda Azərbaycan üçün aktual deyil. Ermənistanla qarşılıqlı olaraq bu məsələ sülh müqaviləsindən sonra ikitərəfli razılaşma əsasında açılacaq. Rusiyanın Zəngəzur dəhlizinin açılması ilə bağlı hərəkətliliyi regionda geosiyasi rəqabəti qızışdırır. Görünür, Moskva Zəngəzur dəhlizini gündəmə gətirməklə regiona təsir etməyə çalışır. Prezident İlham Əliyev çevik şəkildə Azərbaycani proseslərdən uduşlu çıxaracaq”.